Sign in to follow this  
Story Maker

CHAHAT (completed by nain tara)

Recommended Posts

CHAHAT

Jhil kinare hansi wadiyon me Shruti aanshu bahate apni band nam aankhon se apne pyar ko yad karti hue aaj bhi wanha intzar kar rahi thi. Muddaton bit gaye intzar me par aaj bhi uske liye pal thama sa tha.

"Tu nahi teri yad hi sahi hum ji lenge unhi lamho me. Bewafa hona hi teri wafa hai par hum to wafa ka daman thame rahenge".

Shurti ke kandhe par ek hanth use apni khoyi chetna se wapas lati hue. Shruti bas pichhe mur kar dekhi aur uske kandhe se lag kar roti hue "Kyon Gaurav aakhir aisha kyon kiya usne. Kya jara bhi use humari yad nahi aati hongi"

Gaurav...... Ab to had hai uske intzar ki sayad hume bhool gaya wo Shruti.

Shruti ..... Char sal ho gaye Gaurav wapas murkar nahi dekha. Kya uske dil me jara bhi humare pyar ka ahsas nahi ?

Gaurav ke liye bhi ye muskil sa sawal tha. Apne dost ko yad karte aanshu uske bhi chhalak aaye. Aur har kisi ke aanshu jaroor chhalkte jo bhi uske karibi the phir chahe uske bachpan ke sathi ho ya 6 sal pahle mile college ke unke dost Gaurav, Kasak aur Misti

Aur kyon na koi uske liye roye jisne kabhi kisi bhi pal apne kisi bhi apno ko akela nahi hone diya. Aaj bhi yaden taja hai jahan me sabke jab college ke pahle din sab raging se padesan the .. Tab college ke gate se bilkul ek vichitr prani ka aagman hua tha.

Viraj .. Personality uski kisi rajkumar se kam nahi aur pahnawa kisi dehati ke. Viraj jab gujra apne seniors ke pas se tab seniors use rokte hue pahle to khoob hanse uaka pahnawa dekh phir raging me use jamin par rengne ko bole.

Aao dekha na tao sath laye bag ko bilkul char bar hawa me ghumaya aur dayen bayen bag ko fenkte hue dhamm se jamin par gir kar rengne laga. Viraj ka aisha karna point of attraction tha aur sare naye purane student bas wanhi jama ho use dekhne lage. 

Viraj utha aur comic si baten karte hue ... "Sir ji aur kuch karwaoge .. Par dekho Muskurate raho wo kya hai karna to mujhe parega hi kyonki aap seniors ka aaj kaha manuga tab to aashirwad milega bad me .... To bare humesa muskurate achhe lagte hai".

Janha log seniors ki raging se padesan aur hatash hote wanhi pahli jhalak me hi sabko hansa diya. Ek zahar ki tarah tha jis se mila uspar utna hi jaldi asar karta tha. Pahle din hi sare senior uske fan se ho gaye class ki mulakat me kuch achhe dost bhi mil gaye.

Halanki poora class hi uaka kayal tha par wo kuch logon ke jyada karibi tha jinme Gaurav, Kasak,, aur Misti thi. College ki kai larkiyan ise apna dil diye baithi thi lekin urta panchhi ye kisi ke hant nahi aaya.

Ek din jhil ke kinare sare dost sunset ka maza le rahe the tab un doobte sooraj ki kirno ke bich bhagti hue ek larki apne chehre se bal ko hatati titliyon ke pichhe daurti Viraj ko najar aayi.

Viraj ki najar jab us larki par gayi to mano uski dil ki dharkane badh rahi ho. Ek thandi si sans ander khinchte hue khud me mehsus karta.... "kisi sapno si lag rahi ho..... Kash !!!

Khayalon me doobe Viraj ke kandhon par Gaurav hanth rakhte hue..... "Kya hua hero lagta hai aaj to fisal hi gaye".

Viraj ...... Gaurav aisha laga jaise mujhe wo khinch rahi ho apni ore ... Khair chalo.

Pahli bar itne dino me Viraj thoda mayus najar aaya .. Aur chup chap wapas chala aaya bina kisi se bat kiye.

Agle din phir usi samay Viraj us jhil ke pas aaya ek chattan ki pichhe chhip kar us larki ko dekta raha ..... Na jane kitne arman Viraj ke dil me us larki ke liye the. Behichak jo apni baton ke jadu se apna banane wala Viraj aaj pahli bar kisi ke pas jane aur us se bat karne se hichkicha raha tha.

Doston me yun to hansi bikherta Viraj apne vyawhar me jara bhi pariwrtan nahi laya lekin aaj kal tanhayi jyada dhoond raha tha. Humesa doston ke bich ghira rahna wala ab bhir se thoda katne laga tha par apna akelapan kabhi kisi par jahir nahi hone diya.

Par dost to dost hote hai aakhir Kasak ne Viraj ko pakar li ... Par Kasak Viraj se puchhne ke badle banki doston ko bata di. Pahle to kisi ko viswas nahi hua lekin dhire dhire sab iss bat par gaur karne lage.

Viraj roj din dhalne ke samay gayab rahta tha. Us din bhi jab Viraj chhip kar dekh raha tha to uske pichhe se ... "Bhooooohhhh" ... Sare dosto ek sath jor se chillaye.

Viraj bilkul chunkte hue apne tej ho chuki sanson se pichhe mura "paglon heart fail karwaoge kya ? Huhhhh ! chaunka hi diya".

Misti.... Kasak lagta hai shuru ho gayi hai prem kahani bataya to hota sayad hum bhi madad kar dete.

Kasak.... Hayyyy reeee ! Ab mera kya hoga koi to kuch kaho yaro main to sochi ki apna hero mujhe hi heroin banayega.

Gaurav...... Chup kar nautanki riston me milawat. Jara apne hero ki bhi to sun lo.

Lekin is se pahle ki Viraj kuch bole Shruti bhi in logon ke pas pahunch chuki thi.....

"Are kya hua jo aap sab itta tej chhilaye .. Meri sari titliyan urrr gayi"

Viraj.. .... Aap kya roj yanha titliyan pakrne aati hai ?

Shruti apne aankhen bari karti hue.... "Kya matlab aap ka, kya aap roj yanha mujhe titliyan pakrte dekhne aate hai" ?

Sidha sawal Viraj to hil gaya.... Wo to pahli bar sayad haklaya bhi ho. Viraj kanpte honthon se bas "mainnn woo mainn woo" hi karta rah gaya aur bich me Gaurav bol para...

"Haan bilkul aisha hi hai mam .. Waise main Gaurav ye cute si Kasak par thodi natkaht aur duffer, uske pas me jo khari hai sweet si Misti, storng and humari representative and finally ye hai humra hero Viraj. Nana kuch khas nahi bas presonality ke siwa humre rahmo karam par ise popularity mili hai".

Kasak.... Wah sabke bare me bol diya apna bhi vivran de duffer .. In se miliye ye hai Gaurav waise to bahut bolta hai par kya bolta hai ise khud bhi pata nahi. Par kuch bhi ho we are faimily.

Larki ... Wowwwwww ! Aap sab se milkar behad khusi hue ... Hello everyone main hoon Shruti no description available kyonki mere pas koi dost nahi jo bata de....... 

"Lekin ek bat bayaeye Gaurav aap ke ye dost mujhe roj dekhne aate hai yanha ...... Aur aap kya karte hai inke sath..... Mujh par comment Ja lipat ja, bol de sab kuch, pakar le.... Kuch aisha hi jo aam tor par larke apne doston ko suggest karte hai".

Shruti bhi jaise is Viraj ki nani thi .. Bilkul frank aur comic. Dekha jay to achhi jori milayi bhagwan ne ... Kasak aur Misti Shruti ki bat sun kar Khoob hansi ... Phir Gaurav situation ko sambhalte hue......

"Are wah Shruti ji kya khoob analysis ki ..... Actually 15/20 dino humara hero unchayi se dive lagane ki practics karta hai pani me. Isliye ye bhi roj aata hai aur aap bhi sayad".

Kasak aur Misti muskurati hue aapas me..... Fenku impress kar raha hai dekh kaise phansati hoon

Shruti ... Wowww ! To ye athlete bhi hai

Gaurav..... Aur kya sarir nahi dekhi kya ?

Shruti ... Lekin mujhe aisha kyon lag raha hai ki aap dono fek rahe hai kyonki kapre to aishe hai jaise walk par nikle ho

Misti....... "Miss Shruti humare dost jhooth nahi bolte. Proof hi chahiye to abhi Viraj is pahar se jhil me kudega". Itna bol Misti aur uske sath Kasak hansne lagi.

Gaurav ko pasina aa gaya ab kya hoga. Idhar Viraj sabko dekhte apne dono bahen failaye ulte kadam dhire-dhire pahar ke chhor tak pahunch gaya 

Pahle to sabko majak lag raha tha lekin jab Viraj ka chehra dekha sabne jis par na to koi dar nahi koi sikan aur muskurate hue ja raha tha tab dharkne ruk si gayi sabki.

Uske sare dost chillate hue ... "Pagal hum mazak kar rahe the wapas aao. Mazak bhi nahi samjhta ye" .. Shruti bhi chillati hue use wapas bula rahi thi..... Lekin Viraj Apne dono bahen failaye bas gir sa gaya jhil me.

Sansen ruk si gayi aur sabke chehre ki hawaeyan uri hue thi. Gaurav daurate hue niche jhil ke pas pahuncha.

Sach ka hero tha Viraj aur iske style bhi. Sir ke bal ka pani apne dono hanthon se htata hua kisi sher ki tarah rob me chalta bahar aaya ..... Gaurav to fati aankhon se ek bar Viraj ko dekh raha tha aur gardan utha kar pahar ki unchayi jo 1500 fit se bhi jyada unchi thi...

Viraj chutki bajate hue..... "Aur dude ruk gayi dharkane kya. Dost hum tumhari ek bat bhi jhooth nahi hone denge".

Kasak aur Misti bhi apne tej kadmon se pas aayi nam aankhon se dono lipat gayi Viraj se aur chhilati hue ....... "Ab dubara kuch aisha kiya to hum tumse kabhi bat nahi karnege".

Sabse aakhri me aayi Shruti aur aati hi khinch kar jhannate dar thappar mari Viraj ko. Viraj to gal pakre kisi bagule ki tarah tukur-tukur Shruti ko dekhne laga...

"Aap kya pagal ho jo aisha kar gaye. Main to mazak kar rahi thi main bhi usi din aayi thi pahli bar jis din aap sab aaye the aur usi college me hoon jisme aap sab hai lekin kabhi dekha nahi aap sab ne".

"Us din mujhe laga ki aap mujhe dekh rahe hai par sure nahi thi isliye uske agle din bhi same time par aayi tab confirm hue ki aap mujhe hi dekh rahe the. Fir kya tha main roj yanha aane lagi. Pagal hai kya aap yadi aap ko kuch ho jata to".

Gaurav... Humara chinta to samjh me aata hai par Shruti aap kyon react kar rahi hai

Tharap ... Misti ka ek tappar gaurav ke gal par ...... 

Gaurav.... Pagal mari kyonnnnnn ?

Misti....... Duffer jab wo kah rahi hai sath college me hai aur bas Viraj yanha aata hai yahi soch ye roj aati hai to kya ab chilla kar kahe ki ye Viraj ko chahti hai.

Misti ke pol khol se Shruti sharmakar dushri ore bhagne lagi lekin Viraj uska hanth pakrte hue...

"Abhi jo boli kya wo sach tha"

"Hanth chhoriye na please dukhta hai"

Viraj Shruti ka hanth chhorte hue use apni ore kar.....

"Main nahi janta ki us din mujhe kya hua par tum par najar gayi to dil ki dharkane achanak se dharkne lagi. Pahli bar mujhe kisi ko bas dekhte rahne ka man kar raha tha. Dil kar raha tha bas ise samet loon aur kanhi jane na doon. Pahli najar se hi kitni baten thi kahne ko. Mujhe nahi pata ki mujhe kya hua lekin isi ko gar pyar kahte hai to lagta hai mujhe pyar ho gaya hai".

Viraj Shruti ki aankhon me dekhte hue apne dil ki bat kah di. Kuch chhan tak dono ek dushre ki aankhon me aankhen dal dekhte rahe aur fir ek dooshre se aishe gale mile jaise barson bichhre aaj mil rahe ho.

Viraj ke sath sab ka din hanste hue kaise gujar jata pata hi nahi chalta. Sare dost Viraj ke aane ke bad mayusi aur udasi kya hoti hai bhool hi chuke the. Aur Shruti uski jholi me to poora khusiyon ka sansar hi tha.

Samay ke sath Viraj ke sath jurao sabka majboot hota chala gaya. Ek pal ke liye wo kisi ki najron se ojhal nahi ho sakta tha. Ek din ke liye kanhi jata to uske dost aur uska pyar sawalon ka pahar khara kar dete aur Viraj sabko bare pyar se manata.

Shruti aur Viraj ka pyar bhi apne parwan par tha. Har jagah dono sath hote. Shruti hi kabhi-kabhi jan bujh kar naraj ho jati par aaj tak koi bhi tnav in dono ke bich nahi hua.

Viraj ke sath do sal sabke kab gujre pata bhi nahi chala. Par ek din bilkul subah Viraj ka call Shruti ke pas aaya ....

Shruti..... O' Jaan main bas aap ko hi yad kar rahi thi. Ye batao ki kis colour ka dress pahnu.

Viraj.... Shruti kya tumhare pas koi dulhan ka libas hai.

Shruti.... Janu jaan to nahi nikal rahe ho na. Dekho yadi ye mazak hai to bahut hi bura mazak kar rahe ho aur yadi sach hai to kanhi mera heart fail na ho jay.

Viraj.... Shruti aaj pata nahi kyon bas tumhe apni in aankhon se dulhan ke roop me dekhna hai. Abhi jab aana to khub saj kar aana. Bas itni si gujarish hai.

Shruti.... Ohhhh ho ! Jo aadesh bilkul usi roop me aaungi jaise aap kalpna kar rahe ho.

Takriban ghnte bad usi jhil kinare dono mile. Viraj pahle se wanha bench par tik kar apne aakhen moonde baitha tha Shruti dabe paun dhime se uske pas baithi aur apne sir ko Viraj ke sine se tika sukoon se aanken mund li.

Viraj ko jab Shruti ke hone ki ahsas hue to use apne bahon me liya aur sine se lagaye bas khoya raha. Kuch der aligan me mehsus karne ke bad use khud se alag karte uske chehre ko niharne laga. 

Bari masumiyat se Viraj uske chehre par hanth ferne laga kuch aishe jaise wo Shriti ko chhu kar mesus karne ki kosis kar raha ho aur jab itni pyari chhuan Shruti ko mehsus hue to wo bhi apni aakhen moonde bas us ahsas ko mehsus karne lagi.

Viraj Shruti se thoda dur hua aur bas apni pyar bhari najron se ek tak use niharta raha. Shruti ko jab kuch bhi mehsus na hue to apni aankhen dhime se kholti wo Viraj ko dekhne lagi aur sawaliya njron se poochne lagi "kya hua"

Viraj... Suno Shruti main ja raha hoon.

Shruti.... Aap bhi na itna achha khoyi thi aur ekdam se mazak karne lage. Azi kanha jaeyega hum to parchhayi hai, aap ke hi sath chalenge.

Viraj.... Ye aisha kam hai ki main tumhe sath nahi rakh sakta.

Shruti ko laga Viraj mazak kar raha hai isliye wo bhi mazakiya andaj me...

"Chhor do ye kam jaan jisme main tumse dur ho rahi hoon waise bhi abhi college pura bhi nahi hua. Pahle use poora karo phir aisha kam dhoondo jisme hum sath rahe"

Viraj.... Shruti main sayad ise na chhor paun

Viraj ka jawaw sun Shruti ko gussa si aa gayi aur gusse me ....

"Kam nahi chhor sakte aur mujhe chhor sakte ho. Kya yahi aap ka pyar hai"?

Viaraj bilkul muskurate hue uske mathe ko chum liya aur Shruti ke dono hanthon ko thamte hue .... "Abhi jindgi aur bhi banki hai bas muskurati rahna"

Aishe bolte waqt Viraj ke chehre par koi sikan nahi thi aur na hi muskurate chehre par koi mayusi. Apni bat bol kar Viraj chal diya na to kuch suna aur na hi ek bar palat kar dekha. 

Kisi ko kuch pata nahi ki Viraj kanha gaya aur kyon gaya. Jo doston ki har bat ke liye khud ka tamasa bana le par dost se dur na rah sake, jo pyar ke liye unchayi se kud gaya wo aishe gaya ki kisi ko samajh me hi nahi aaya. Sab ka ek hi kahna tha "kya hua aur kyon gaya" ? 

Is bat ko char sal ho gaye Shruti in char salon me ek bhi din aisha nahi gaya jab din dhalte us jhil par na gayi ho bas is viswas se ki sayad Viraj aaj us se milne aaye. Na to Viraj aaya aur na hi koi khbar. Uski jankari kisi ko nahi thi. 

Naummid sabhi aur kya rista jor kar gaya tha. Pahle janha ye sabko hansya karta tha aaj uske aanshu tak nahi use dikh rahe the.

Lekin kahte hai yadi chahat me siddat ho to khoya hua mil hi jata hai. Ek rat Gaurav ka phone sare doston ke pas aaya.... Gauav ka ek anuman tha ki Viraj ki upasthiti hai kisi jagah par.

Actually ek open forum me kisi ke jawaw ne Gaurav ko sochne par majboor kar diya. Bilkul wahi mzakiya andaj bina kisi ko hurt kiye jawaw dena sabko entertain karna aur profile name bhi Hero tha jis nam se uske dost Viraj ko pukarte the. Ye profile 6 mahine purani thi jo us jagah par lagatar active thi.

Sab dosto ne phir hacker ko uske pichhe lagaya. Sach samne thi aur ye Viraj hi tha confirm ho chuka tha. Ab bas bari thi Viraj ke respond ki .....

Kasak, Misti, Gaurav sabne same naam se us forum par pahunche bilkul Viraj ke online timing me .... Aur sabne ek sath msg kiya..

"Kya tumhe humari jara bhi yad na aayi Viraj ya hero"

Thodi der koi jawaw nahi aaya. Phir hero profile se reply aaya...

"Kaise ho mere doaston aakhir dhoond hi liye".

Kasak.... Viraj kya tumhe jara bhi humari yad nahi aayi ?

Viraj ... O' sooooo sorry ! Waise ye batao shadi kar li kya tum Kasak.

Misti.... Yarrr kiske samne tum sab bol rahe ho jis ke pas koi emotions nahi. Hum sab sayad time pas the iske liye. Bas sath chahiye tha jabtak ki ye wanha tha khud ke entertainment ke liye aur jab gaya to pichhe mur kar bhi nahi dekha.

Gaurav..... Sach kahi Misti. Are jab ye apne pyar ka nahi hua to humara kya hoga. Shruti ki tapsya dekh to sayad un pattharon ke bhi aanshu nikal aaye honge janha wo pichhle char sal se aisha koi din nahi jo na gayi ho. Aisha koi lamha nahi jisme ise yad na ki ho iske liye royi na ho. Kya hai yar tumhare pas sine me jo jara bhi kabhi dagmgaya nahi.

Is aakhri massege ke bad phir agle 5 min tak screen rook gaya. Aisha jaise us jagah ka mahol hi tham gaya ho.

Phir Viraj ke profile se massage aane shuru hue.... .... 

"Ruthne walon jara thehar jao. Hum to wo bewafa hai jo khul kar dard bhi nahi bata sakte".

Achanak se sabke screen par live video flash hone lagi. Aur jo aankhon ke samne tha wo dil dahla dene wala tha. Oxygen mask lagaye poore body par medical devices bas aankh ki putliyan ghum rahi thi aur ungliyan keypad par ..... Aur subtitale ki tarah niche massege aane shuru hue...

"Humari aakhri mulakat thi wo jhil kinare". 

"Maine kaha.... main tumhe chhor kar apne kam par ja raha hoon"

"Shruti boli....... Abhi to college bhi khatam nahi hua mujhe chhor kar mat jao aap intelligent ho aur karne ko bahut sare kam hai"

"Par maine Shruti ki jagah kam ko chuna aur Shruti ke sath sath tum sab ko chhor diya"

"Aur aaj dekho na to kam hai aur na hi Shruti"

"Ye jivan maine chuni lekin mujhe kya pata tha mujhe Shruti aur tum sab se pyar ho jayega"

"Tum sab to mujhe kos kar taslli kar sakte ho par mera kya jise ye har pal ahsas hota raha ki tu unhe dard de aaya jo tere apne the"

"Main to bas apna kam kar raha tha us samay bhi college me"

"Aaj sayad main job me nahi isliye main chhipane ke liye badhay nahi. Main defence secret services me us samay se hoon jis samay main tum sab se mila bhi nahi tha".

Kasak ... Aishi halat kaise hue

"Kuch nahi doston ye sayad tum sabko rulane ki saza hai jo sal bhar pahle ek hadse me mera badan 60% se jyada jal gaya. Par khusi is bat thi ki tum logon ke pyar aur syad is kam se bache logon ki duaon ne jinda rakha"

"Main bacha kyonki mujhe tum sab se milna jo tha. Yaron bas ek bar shruti ki tasveer dikha do. Kya mujhe yad kar aaj bhi roti hai kahna mat lekin main bhi rota hoon ?

Misti .... Shruti yanhi hai

Screen par chal rahe drisy ko uske dr aur attendi bhi dekh rahe the. Kaphi lambe samay se Viraj us jagah se hila bhi nahi tha uthna ya murna bahut dur ki bat thi. Kewal najren sacreen par aur hilti ungliyon ke hulchal se typing.

Sansen tej aur aankhon se bahte aanshu. Dhoonti najre bas screen par aur tabi dikhi uski jhalak nam aaknon me ghutno ke bal baithi jamin par roti-bilkhti Shruti jo sayad Viraj ki halat dekh kar roye hi ja rahi thi. 

Viraj ka dil jaise tarap utha ye dekh kar .... Yanha aane ke kai mahino bad aaj Viraj ka hanth upar uthe aur Shruti ki ore yun point hue jaise abhi chhu kar use mehsus karna chah raha ho aur pahli bar use apni lachari ka ahsas hua.

Viraj chah kar bhi juban se sabd nahi nikal pa raha tha jo kahna chah rahe the "meri ore dekho Shruti" aur Shruti wo bas roye ja rahi thi. Aaj uski aatma tak ro rahi thi. Pahle to pyar ka na hona dard tha jiske liye tapsaya ki lekin aaj jab mila to is hal me ... Shruti bas ro hi rahi thi

Lchari apne sabab par thi aur mudatton bad dikhi bhi to aaj Viraj kuch kar nahi pa raha tha. Aakhir aatm-viswas ke aage saririk shakti jawaw de gayi aur Viraj behosh ho gaya.

Jab aankhen khuli to bas samne ke screen ko apne nam aakhon se dekh raha tha. Muddaton bad uski chahat yun jagi ki ab to bas use Shruti hi Shruti najar aa rahi thi.

Achanak hi Viraj hanton ka base liya aur dhire-dhire baithne ki kosis karne laga. Use laga jaise uska pyar teji se uski ore aa raha hai. Phir wo majar bhi aaya jab bahte aanshuon ke jhilmil najron se use wo chehra bhi najar aaya jiski chah ne abtak jinda rakha tha use. 

Dono ki najen aapas me mili aur laagatar ek dushre ko dekhe hi ja rahe the. Pichhe se kuch aur chahne wale bhi uske aaye na sirf Gaurav, Misti aur Kasak balki kai aishe log aur bhi the jo Viraj se milne ki chah rakhte the.

Achanak se Shruti ko sabne utakar wanha se pichhe kar diya. Kisi butt ki tarah wo bina hile Viraj ko dekhti pichhe chali gayi. Jab Shruti ojhal hue to najron me hulchal hue.

Viraj ko bhi yakin nahi tha ki usne un do salon me itne chahne wale banaye the. Ek sath sabki aawaz gunji ..... "Hum bhi aap ke chahne wale hai yarrrr. Sab bhula diya par tumhe bhula na paye".

Sarir aisha jala tha jab recovry hua to poori chamri ek dooshre se chipki thi jise counselling ke dauran kat kar ek dushre me chipke body part se alag kiya jata tha. Koi bhi use dekh nahi pata lekin ye Viraj ke prati chahat thi ki uske dost us se lipat kar bas ek hi gujarish karte "wapas laut jaldi". 

Viraj... Yaron mujhe pata nahi tha ki mere tanha jindgi me itne chahne wale hai aur main khud ko bekar me tanha manta tha. Mujhe laga sab bhool gaye honge lekin......

"Ab us se bhi mila do jiska sabse bara dosi hoon main"

Sab hanste hue nikle aur sabse pichhe khari thi Shruti bilkul usi roop me jisme aakhri bar Viraj use chhor kar gaya tha.

In ahsason ke toofano me bite kai sal ke bichhrane ka dard ab bilkul khatam ho chala tha aur banki rah gaya tha to bas pyar. Un lamho ko labjon me bayan karna kaphi nahi jitni siddat se bas dono ek dooshre me khokar ek dushre ko dekhte rahe. 

Aaj to aisha laga ki unki ek hulchal me bhi hajar afsane chhipe hai. 
Aankhon se har girti boondon me pyar ke kai tarane chhipe hai
Kabhi kisi ki kasti doobi bich mazdhar me to kisi ki par bhi lag hi jati hai
Siddat mohabbat ki aishi hai har rang me bas aanshu de jati hai

Share this post


Link to post
Share on other sites

Create an account or sign in to comment

You need to be a member in order to leave a comment

Create an account

Sign up for a new account in our community. It's easy!

Register a new account

Sign in

Already have an account? Sign in here.

Sign In Now

Sign in to follow this