Jump to content
URDU FUN CLUB
Sign in to follow this  
Play_Boy007

گرگٹ

Recommended Posts

گرگٹ دکھانے کے لیے رنگ بدلتا ہے

ایک تحقیق کے مطابق یہ خیال درست نہیں کہ گرگٹ نے خود کو اپنے ارد گرد میں مدغم کرنے کے لیے رنگ بدلنا شروع کیا تھا، بلکہ سچ یہ ہے کہ اس نے ایسا خود کو نمایاں کرنے کے لیے کیا تھا۔

حیتیات کے ایک جریدے میں شائع ہونے والی اس تحقیق کے مطابق سائنسدانوں کا خیال ہے کہ گرگٹ آپس میں رابطے کے لیے رنگ بدلنا شروع کیا تھا۔

عام طور پر رینگنے والےجانوروں کے رنگ بدلنے کی کئی وجوہات ہوتی ہیں۔ جیسے آپس میں رابطہ کے لیے، خود کو چھپانے کے لیے یا پھر درجہ حرارت کو کنٹرول کرنے کے لیے۔ لیکن انہیں تیز رنگ منعکس کرنے کی صلاحیت کی آخرضرورت کیوں پڑی، یہ بات اب تک واضح نہیں تھی۔

اس نئی تحقیق کے ایک معاون، یونیورسٹی آف میلبورن آسٹریلیا کے ڈاکٹر دیوی سٹوارٹ فاکس نے بی بی سی کو بتایا کہ تحقیق سے اس بات کی نشاندہی ہوتی ہے کہ ابتداء میں گرگٹوں نے دشمن کو بھگانے یا کسی ساتھی کو متوجہ کرنے کےلیے رنگ بدلنا شروع کیا تھا، نہ کہ اپنے ماحول سے مطابقت پیدا کرنے کے لیے۔

رنگ بدلنے کی وجوہات پر تحقیق کے لیے ڈاکٹر فاکس کی ٹیم نے جنوبی افریقہ کے رینگنے والے حشرات کی لگ بھگ اکیس اقسام کا معائنہ کیا۔ اس دوران انہوں نے ان کی دیکھنے اور رنگ پہچاننے کی صلاحیت کا بھی جائزہ لیا۔ رینگنے والے حشرات کے دیکھنے کا نظام انسانوں سے مختلف ہوتا ہے ۔ ان کے سر پر روشنی کی شعاعیں منعکس کرنے والا ایک حساس کون نما حصہ ہوتا ہے۔

تحقیق کے دوران سائنسدانوں نے دیکھا کہ مد مقابل ہونے کی صورت میں دو نرگرگٹ اس وقت تک اپنے تیز ترین رنگ دکھاتے ہیں جب تک کہ یہ واضح نہیں ہو جاتا کہ کوئی ایک جیتنے والا ہے جس پر دوسرا اپنا رنگ گہرا کر لیتا ہے۔

اسی طرح یہ بھی دیکھا گیا کہ آپس میں سماجی رابطوں کے دوران بھی گرگٹ خود کو دوسروں سے نمایاں کرنے لیے تیزی سے رنگ بدلتے ہیں۔

Share this post


Link to post
Share on other sites

تمام ممبرز فورم پر موجود ایڈز پر ضرور کلک کریں تاکہ فورم کو گوگل کی طرف سے کچھ اررننگ حاصل ہو سکے۔ آپ کا ایک کلک روزانہ فورم کے لیئے کافی ہے

Create an account or sign in to comment

You need to be a member in order to leave a comment

Create an account

Sign up for a new account in our community. It's easy!

Register a new account

Sign in

Already have an account? Sign in here.

Sign In Now
Sign in to follow this  

×