Jump to content
URDU FUN CLUB
Sign in to follow this  
hasnain

حاملہ ہونے کا ڈھونگ رچا کر کوکین کی سمگلنگ

Recommended Posts

کولمبیا میں پولیس حکام کا کہنا ہے کہ انھوں نے حاملہ ہونے کا بہانہ بنا کر کوکین سمگلنگ کرنے والی خاتون کو گرفتار کر لیا ہے۔
کینیڈا سے تعلق رکھنے والی خاتون سیاح نے حاملہ ہونے کا ڈھونگ رچا کر کوکین کو اپنے پیٹ میں چھپایا تھا اور وہ کولمبیا میں بوگوٹا کے بین الاقوامی ہوائی اڈے سے ٹورنٹو کے لیے جانے والی پرواز پر سوار ہونے کی کوشش کر رہی تھی۔
وہ اگست کے آخر میں کولمبیا آئی تھیں۔
خاتون سیاح ایک خاتون پولیس اہلکار کی توجہ کا مرکز اس وقت بنی جب اہلکار نے مبینہ طور پر ان سے پوچھا کہ وہ کتنے عرصے سے حاملہ ہے۔
اس سوال کے جواب میں جعلی حاملہ خاتون سیاح نے غصے کا اظہار کیا جس کی وجہ سے پولیس کو ان پر شک ہوا اور ان کی تلاشی لی۔
کولمبیا کے انسدادِ منشیات کے ڈپٹی ڈائریکٹر کرنل ایستبان اریاس میلو نے کہا کہ’سیاح کو خاتون پولیس اہلکار کا سوال پسند نہیں آیا جس کی وجہ سے انھیں شک ہوا۔ پھر بڑے احتیاط سے انھوں نے سیاح خاتون کے پیٹ کو ہاتھ سے چھوا جو انھیں بہت سخت اور ٹھنڈا لگا۔‘
خاتون نے مبینہ طور پر بتایا کہ وہ سات ماہ کی حاملہ ہے۔
ان کی جسمانی تلاشی پر پولیس نے ان کے لیٹیکس کے مواد سے بنے جعلی پیٹ سے دو کلو گرام کوکین برآمد کیا۔
کولمبیا کے حکام کا کہنا ہے کہ سیاح خاتون پر منشیات رکھنے اور اس کے سمگلنگ کا فردِ جرم عائد کیا جائے گا جس میں انھیں پانچ سے آٹھ سال تک کی جیل کی سزا ہو سکتی ہے۔
پولیس کا کہنا ہے کہ خاتون سے برآمد ہونے والے کوکین کی مالیت 60 ہزار امریکی ڈالر ہے۔
واضح رہے کہ اس سال بوگوٹا کے بین الاقوامی ہوائی اڈے پر 150 افراد کو منشیات سمگلنگ کرتے ہوئے گرفتار کیا گیا ہے۔
کولمبیا کے حکام کے مطابق گرفتار ہونے والوں میں ایک تہائی افراد غیر ملکی ہیں۔

Share this post


Link to post
Share on other sites

Create an account or sign in to comment

You need to be a member in order to leave a comment

Create an account

Sign up for a new account in our community. It's easy!

Register a new account

Sign in

Already have an account? Sign in here.

Sign In Now
Sign in to follow this  

×